Erum við tilbúinn endurkomu frelsarans Jesú?

Þegar ég hugsa um endatíma jarðarinnar þá er það ekki með ótta eða kvíða þetta á að verða. Jesú sagði lærisveinum sínum frá þessu og hver tákn þess væru. Fyrir mér er orðið endatími jarðarinnar ekki endir, heldur upphaf.

Það fer heldur ekki hjá því að þegar maður lítur á heimsfréttirnar að manni verði hugsað til orða Jesú.

Staðan í dag er nokkurn veginn á þeim stað sem hann lýsti fyrir um 2000 árum.

Þjóð rís gegn þjóð vegna spillingar, og ríki gegn ríki sem aldrei fyrr, landskjálfta á ýmsum stöðum. Barátta illskunnar nær hámarki með yfirráðum auðs og valds, allar þjóðir heims skulda svo mikið að fólk getur nánast ekki framleitt sér. Boð og bönn um frásagnir um kærleiksboðskap Jesú Krists í skólum og leiksólum, ýmis tákn á láð og legi en augu okkar eru alveg lokuð við neitum að horfast í augu við staðreyndir. Hver á allar þessar skuldir?

1.   Olían er að klárast, sem og margt annað með óábyrgri notkun s.s fiskur, kol, og margt fleira, þar sem græðgi stýrir notkun en ekki viska.

2.   Mengun er að gera heiminn óbyggilegan. Og breytt veður og lífskilyrðI, svo jafnvel verða uppskerubrestir og margt fleira sem valdið getur hungri og vosbúð.

3.   Heilbrigt siðferði er að dala. Blöð og fréttamiðlar birta fréttir af óhugnaði og viðbjóð, það er orðið svo algeng að jafnvel börninn kippa sér ekki upp við fréttir af óhugnaði  

4.   Spilling og misskipting hefur aldrei verið meiri.

Mat 24:3 - 8

Þá er hann sat á olíufjallinu, gengu lærisveinarnir til hans og spurðu hann einslega: "Seg þú oss, hvenær verður þetta?

Og hvert mun tákn komu þinnar og endaloka veraldar?"  

Jesús svaraði þeim: "Varist að láta nokkurn leiða yður í villu.  

Margir munu koma í mínu nafni og segja: , Ég er Kristur!' og marga munu þeir leiða í villu.   Þér munuð spyrja hernað og ófriðartíðindi.

Gætið þess, að skelfast ekki. Þetta á að verða, en endirinn er ekki þar með kominn.   

Þjóð mun rísa gegn þjóð og ríki gegn ríki, þá verður hungur og landskjálftar á ýmsum stöðum.  Allt þetta er upphaf fæðingarhríðanna. 

Samkvæmt  manntali gamlatestamentisins kemur fram að c.a. 2000 ár eru frá sköpun Jarðar til sáttmála sem Guð gerði við Abraham,  frá þeim sáttmála til Sáttmálans sem gerður var á Gogata  með blóði Jesú Krists eru c.a. 2000 ár frá sáttmála sem gerður var með blóði Jesú Krists eru c.a. 2000 ár. 

Og það lögmál, að Guð skapaði jörðina á sex dögum og hvíldist þann sjöunda, hann setti manninum það fyrir í boðorðunum að vinna sex daga og hvílast hin sjöunda,   

Og einnig að hver dagur sem er sem þúsund ár hjá Guði  þýðir æi mínum huga að nú fer að líða að lokum sjötta dags   

2Pet 3:8  

En þetta eitt má yður ekki gleymast, þér elskuðu, að einn dagur er hjá Drottni sem þúsund ár og þúsund ár sem einn dagur. 

Samkvæmt mínum skilningi mun Jesú Kristur koma aftur í sinni fyllingu, og síðan líða þúsund ár áður en endi veraldar í núverandi mynd verður,  og Guð mun skapa nýja jörð 

Opb 20:6  

Sæll og heilagur er sá, sem á hlut í fyrri upprisunni. Yfir þeim hefur hinn annar dauði ekki vald, heldur munu þeir vera prestar Guðs og Krists og þeir munu ríkja með honum um þúsund ár.

Opb 20:2  Og hann tók drekann, þann gamla höggorm, sem er djöfull og Satan, og batt hann um þúsund ár. 

Opb 21:1 

Og ég sá nýjan himin og nýja jörð, því að hinn fyrri himinn og hin fyrri jörð voru horfin og hafið er ekki framar til.

Minn skilningur samkvæmt biblíunni er sá að um leið og við deyjum er okkar endatími kominn þá höfum við ekki lengur tækifæri til þess að iðrast, og eða gera betur þannig að í þeim skilningi er tíminn alltaf í nánd, og endatími einhvers alla daga.

Ég bið þess að sem allra flestir hafi notið þeirra gæfu að hafa tekið á móti frelsis verki Jesú Krist og safnað raunverulegum fjársjóðum, sjóðum sem felast í því að gera góðverk, elska náungan, og eða fengið að njóta þeirra fyllingar sem líf með Jesú er.

Það er líf í gnægð og raunveruleg hamingja, það votta ég. 

Guð blessi þig

(Áður birt 2012)

Athugasemdir

[DoctorE (IP-tala skráð) 12.12.2011 kl. 10:16]

Endalok jarðarinnar mun koma, en það eru góðar líkur á að þú verðir dauður áður en það gerist.

Já, ég verð líka dauður; Ég og þú + allir aðrir dauðir munum ekki hafa neinar áhyggjur, enga hugsun, ekkert.. svona eins og áður en við urðum til/fæddumst. Það verður þannig, EKKERT.

Og þú búinn að sóa öllu lífinu í gamla draugasögu sem segir að þú eigir extra líf í lúxus eftir að þú ert dauður, ef þú ert það heppinn að hafað fæðst í réttu landi, með réttum trúarbrögðum... ólíkt þeim ~100 milljarði af fólki sem fæddist á röngum stað, undir rangri trú.. og verður því að brenna að eilífu, já sagði ég þér að þessir áætluðu 100 milljaraðar manna sem hafa lifað á þessari jörðu, meira en helmingur, 50 milljarðar+ voru börn, börn sem dóu úr hungri og auðlæknanlegum sjúkdómum...

Hvar var guðinn þinn þegar þessi börn öll sömul létu lífið.. hrópandi á hjálp.. hvar var Guddi. Hvar var hetjan þín sem er aldrei til staðar

[Kristinn Ingi Jónsson, 14.12.2011 kl. 13:16]

Kæri vinur "Joh_3:16 Því svo elskaði Guð heiminn, að hann gaf son sinn eingetinn, til þess ‡†að hver sem á hann trúir glatist ekki, heldur hafi eilíft líf."

Guð elskar alla menn þig líka !

Mat 24:4-14

Jesús svaraði þeim: "Varist að láta nokkurn leiða yður í villu.

Margir munu koma í mínu nafni og segja: ,Ég er Kristur!' og marga munu þeir leiða í villu. Þér munuð spyrja hernað og ófriðartíðindi. Gætið þess, að skelfast ekki. Þetta á að verða, en endirinn er ekki þar með kominn.

Þjóð mun rísa gegn þjóð og ríki gegn ríki, þá verður hungur og landskjálftar á ýmsum stöðum. Allt þetta er upphaf fæðingarhríðanna. Þá munu menn framselja yður til pyndinga og taka af lífi, og allar þjóðir munu hata yður vegna nafns míns. Margir munu þá falla frá og framselja hver annan og hata. Fram munu koma margir falsspámenn og leiða marga í villu. Og vegna þess að lögleysi magnast, mun kærleikur flestra kólna. En sá sem staðfastur er allt til enda, mun hólpinn verða. Og þetta fagnaðarerindi um ríkið verður prédikað um alla heimsbyggðina öllum þjóðum til vitnisburðar. Og þá mun endirinn koma.

Guð blessi þig og varðveiti